Кәмелетке толмағандар арасында қылмыс пен қадағалаусыздық, сондай-ақ құқық бұзушылық көріністерінің алдын алу мақсатында «№ 4 АМИ» КММ 5-9 сынып оқушылары кәмелетке толмағандар ісі жөніндегі бөлімнің инспекторы, полиция капитаны Р.О. Касымовамен кездесті.

Оқушылармен әңгіме барысында инспектор балаларға қоғамдық орындардағы тәртіп ережелері туралы еске салып, белгіленген ережелерді сақтау қажеттілігіне егжей-тегжейлі тоқталды, сондай-ақ жеке қауіпсіздік шаралары туралы айтты. Полиция қызметкері балаларға қылмыстың құрбаны болмау туралы айтып берді, балалардың өмірі мен денсаулығының қауіпсіздігі, сондай-ақ оқушылардың өз бетінше пайдаланатын жеке заттарының сақталуына жауапкершілігі туралы мәселелер көтерілді.

Рада Олеговна өз әңгімесінде ұрлық, бопсалау, дене жарақатын салу сияқты қылмыстарды жасағаны үшін жауапкершілік туралы айтты.  Жасөспірімдерге қылмыстық жауапкершілік қай жастан басталатыны және қылмыс жасағаны үшін қандай жазалар қолданылатыны түсіндірілді. Кәмелетке толмағандар істері жөніндегі инспектор көшеде, қоғамдық орындарда, көпшілік демалыс орындарында өзін-өзі ұстау ережелерін қатаң сақтауды, түнгі уақытта ересектердің еріп жүруінсіз көшеде жүруге жол берілмейтінін, сонымен қатар жасөспірім үшін қауіпті екенін ұмытпауды қатаң тапсырды.

Оқушылар өздерін қызықтырған тақырып бойынша сұрақтар қойып, білікті жауап ала алды.