20 наурыз күні еліміздің барлық мектептерінде Наурыз мейрамына орай «Ұлттық ойындар керуені» республикалық акциясы өтуде. Бұл күн ерекше мәнге ие — ол дәстүрді, мәдениетті және жас ұрпақтың жаңа жетістіктерге ұмтылысын біріктіреді.
Біздің мектеп те бұл акцияға зор мақтанышпен қатысып, қуанышты жаңалығымен бөліседі: Вальд Герман мен Шукарова Дания арнайы мектептер мен мектеп-интернаттар арасындағы жарыста ұлттық ойындардың бірі — тоғызқұмалақ бойынша мектебіміздің намысын лайықты қорғады.
Жарыс қорытындысы бойынша оқушыларымыз табандылық танытып, сенімді ойын көрсетіп, жүлделі 1 орынды иеленді!
Бұл жеңіс — оқушылардың еңбегі, педагогтердің қолдауы және мектеп ұжымының бірлескен жұмысының нәтижесі. Біз жас спортшыларымызды шын жүректен мақтан тұтамыз және олардың қабілеттерін дамытуға үлес қосқан ұстаздарға алғыс айтамыз.
Жеңістеріңіз құтты болсын! Алдағы уақытта да табыс, қуаныш және жаңа жетістіктер тілейміз!