👨‍👩‍👧‍👦 Отбасы — қоғамның негізі, қолдау мен сүйіспеншіліктің, рухани құндылықтардың қайнар көзі. Дәл осы отбасында құрмет, жауапкершілік, мейірімділік пен өзара көмек сезімі қалыптасады. Халықаралық отбасы күні отбасы дәстүрлерін сақтау, ұрпақтар сабақтастығын нығайту және қазіргі қоғамдағы отбасы институтының маңыздылығын тағы бір мәрте еске салады 🌿
Бүгін «Алтын сақа» инновациялық шығармашылық орталығында Халықаралық отбасы күніне арналған «Отбасы — бақыт мекені» атты TALK-SHOW диалог алаңы өтті.
Іс-шараға мектебіміздің педагогтері Шегебаев Е.А. мен Шегебаева Г.У. қатысты 🤝
Диалог алаңы жастар арасында отбасылық құндылықтарды насихаттауға, ұрпақтар сабақтастығын нығайтуға және отбасыға деген саналы көзқарасты қалыптастыруға бағытталды.
Кездесу барысында отбасының қоғамдағы рөлі, ата-ана мен бала арасындағы қарым-қатынас, ұлттық дәстүрлер мен рухани құндылықтарды сақтау мәселелері кеңінен талқыланды. Қатысушылар өзара пікір алмасып, тәжірибелерімен бөлісіп, қазіргі жастар үшін өзекті тақырыптарды талқылауға мүмкіндік алды.
Осындай іс-шаралар отбасылық құндылықтарды нығайтып, сыйластықты, өзара түсіністік пен жауапкершілікті тәрбиелеуге ықпал етеді. Сонымен қатар отбасының қоғамның тірегі, қолдау мен махаббаттың, жан жылуының қайнар көзі екенін тағы бір мәрте көрсетеді ❤️
Барша отбасыларды Халықаралық отбасы күнімен құттықтаймыз! Әр шаңыраққа амандық, татулық, өзара сыйластық, мол бақыт пен жақын жандардың жанында қуанышты сәттердің көп болуын тілейміз 👨‍👩‍👧‍👦✨